Halla Tómasdóttir virðist hafa talsvert aðra skoðun á beitingu forseta á málskotsrétti árin 2016 og 2024.
HT16 er með þá skoðun að málskotsrétturinn sé eign þjóðarinnar og að hún muni alltaf vísa máli til þjóðarinnar ef 15% óska eftir því (sem er keimlíkt t.d. Viktori í dag, nema hann segir 10%). Sjá t.d. sjónvarpskappræðurnar þá (ca 2:30).
HT24 er mun varfærnari og non-commital, sbr t.d. heimasíðuna hennar:
"Forseti Íslands hefur samkvæmt 26. grein stjórnarskrárinnar heimild til að vísa lögum í dóm þjóðarinnar. Málskotsrétturinn er mikilvægur öryggisventill, sem Halla er staðráðin í að nýta ef svo virðist sem gjá hafi myndast á milli þings og þjóðar. Hún telur mikilvægt að umgangast málskotsréttinn af virðingu og minnir á að forseta beri að hlusta vel á öll sjónarmið áður en komist er að þeirri niðurstöðu að þjóðin þurfi að hafa úrslitavald með atkvæðagreiðslu um hvort lögin öðlast gildi. Þetta gætu verið tilvik á borð við mannréttindi og grundvallarhagsmuni þjóðarinnar og næstu kynslóða eins og var í tilfelli Icesave."
Auðvitað má fólk skipta um skoðun. En það er ekki margt sem forsetaframbjóðandi beinlínis þarf að hafa skýra skoðun á, og ef þú ert að skipta um skoðun væri bara áhugavert að fá skýringar á því af hverju þú skiptir um skoðun.
Það er hins vegar öllu skrýtnara að enginn fjölmiðlamaður hafi pikkað þetta upp enn sem komið er og spurt um þetta.
by svansson