Ef flóttamannastraumurinn frá Venesuela er undanskilinn í bili, þá eru margir sem leita hingað til Íslands eftir að hafa áður komist inn á Schengen landamærasvæðið og ekki metið það sem svo að þau lönd sem upphaflega tóku við þeim frá landi utan Schengen svæðisins hafi verið áhugaverður áfangastaður.

Margir virðast því færa sig til á svæðinu og einhverjir lenda hér á Íslandi þar sem við tekur óskilvirkt ferli við að meta umsóknir fólks um hæli á Íslandi. Afleiðingin er svo oft sú að eftir að fólk er búið að festa hér meiri rætur en í fyrsta Schengen landinu þá er fólk sent til baka eftir að hafa verið hér jafnvel árum saman án þess að mega vinna fyrir sér og er þar af leiðandi á framfæri hins opinbera einhvern hluta tímans (ef ekki allan).

Það er heimild í Schengen samningnum að taka tímabundið upp landamæraeftirlit og sem dæmi má nefna að Þýskaland hefur nýlega nýtt slíka undanþágu, meðal annars til að ná stjórn á óheftum straumi flóttamanna:

https://home-affairs.ec.europa.eu/policies/schengen-borders-and-visa/schengen-area/temporary-reintroduction-border-control_en

Hefur ekki komið til tals að Ísland sæki um slíka undanþágu og komi tímabundið á vegabréfaeftirliti á meðan við náum stjórn á ástandinu? Það er engum til góðs, hvorki íbúum þessa lands né þeirra sem hingað leita að hafa þessa óreiðu í gangi og því er hægt að taka almennilega afstöðu til óska fólks um hæli á Íslandi áður en viðkomandi hafa komið hingað til lands og festast í þessari gildru sem móttaka flóttamanna á Íslandi virðist vera undanfarin misseri.

by Vitringar

4 comments

  1. Það sem af er af 2024 hafa [272 flóttamenn sótt um hæli á Íslandi (sem ekki koma frá stríðum í Úkraínu, Venesúela og Palestínu)](https://app.powerbi.com/view?r=eyJrIjoiYTJhMDczNTMtMGY1NS00MGQyLWI3NjEtYmFiMjlhYmE2N2JjIiwidCI6IjUwOTQ4NGE4LWMwZmYtNDk2MC1iNWRhLTNiZGI3NWU5ODQ2MCIsImMiOjl9)

    Þú vilt virkilega setja upp landamæraeftirlit til þess að hægt hefði verið að loka á kannski hluta af þessum 272 einstaklingum?

    Eða viltu aðallega loka á þessar fjölskyldur sem eru að flýja Úkraínu og Palestínu?

    Er fólksfjölgun svona svakalega mikið vandamál á Íslandi? Þurfum við þá ekki að fara að skoða barneignir sem er stærsti þátturinn í fólksfjölgun.

  2. Þýskaland var einmitt að herða reglurnar sínar um flóttamenn nýlega og hugsanlega munu önnur lönd gera slíkt hið sama í kjölfarið. Flóttamannastraumur til þeirra landa sem hafa slakari reglur mun þá væntanlega aukast.

    Ísland mun aldrei gera neitt í því fyrr en það er allt komið í hnút hér því hér er allt gert reaktívt en ekki próaktívt IMO

  3. Það er ekki bara Þýskaland sem hefur fundist sig knúið til að taka upp landamæraeftirlit að nýju, mörg önnur lönd innan Schengen svo sem Noregur, Austurríki, Danmörk, Frakkland og Svíþjóð hafa verið með undanþágur af og á síðustu næstum tíu árin, eða frá því stutt eftir að hælisleitendakrísan byrjaði árið 2015. [Hér er myndband um breytingar Þýskalands og þróunina almennt.](https://www.youtube.com/watch?v=TNc14W8YOuI) Til viðbótar við það hefur Ítalía hert svo mikið eftirlit með komu hælisleitenda um Miðjarðarhafið að hælisleitendastraumurinn hefur nú færst að mestu leiti út á svo kölluðu Atlantshafsleiðina, þar sem bátarnir fara frá Marokkó til spænskra eyja svo sem Kanaríeyja.

    En varðandi það hvort Ísland þurfi að taka upp sérstakt landamæraeftirlit er ég ekki viss um að það sé raunin. Ísland er í þeirri að vissu leyti öfundsverði stöðu að það er nánast ómögulegt að koma hingað með leyndum hætti. Það er ekki hægt að keyra yfir landamærin, og Ísland er of langt frá Afríku og Miðausturlöndum til að sigla hingað á bátum mannsmyglaranna. Allir sem koma hingað til lands eru með nöfn sín skráð hjá flugfélögunum og siglingaskipunum, og yfirvöld hafa aðgang að þessum listum.

Leave a Reply