Sali zäme

Han eifach da mal welle danke säge, das mir i oisem Land immer no lüüt händ wo so öppis machet.

Chli Hintergrund: Han hüt nach äm Spaziergang am Mittag vom Nachbardorf mit Chind (1) und Hund irgendwenn mit Schrecke festgstellt, dass das Nuschi verschwunde isch.

Au wänn sie no zu chli isch zum das würklich realisiere. Das Nuschi isch aktuell ihres liebschte und sie freut sich jedes Mal wänn sie das wieder "entdeckt" und kuschlet au gärn mal dämit.

Han mich also am Abig mit äm Hund nomal uf dä Wäg gmacht und das Nuschi nach 3/4 vom Wäg wohlbehalte und fiin süüberlich uf äm Bänkli deponiert gfunde.

Mir isch i däm Moment än Stei vom Herze gheit und drum eifach nomal merci an Finder und all wo wahrschinlich ihri Hünd händ müesse dävo abhalte das entfüehre. Will dürft ja scho interessant gschmöckt ha.

by InitiativeExcellent

4 comments

  1. Oh das kann ich mir vorstellen. Kenne diese Situation. Diese kleinen Wesen sind das wichtigste für eine lange Zeit!

  2. Han min Pluto uf de Fähri nach Sardinie verlore und s Läbe esch nümm sgliche sid denn…

  3. Kenn es. Weisch wie froh ich gsi bin, wo die Chlini ihre Wolle Chappe uf em Kita Weg weg gheit het. Und ich ha minere Frau müesse biich te, dass die Chappe wohl verlore isch. Und dann isch sie eifach am Weg uf eme Zaun gehänget. Scho zwei mal. Eifach mega, dass das hier so isch.

  4. Nuschi <3

    Ich han mit 4i min Teddybär id Limmet grüert. Ich han ihn zwar amel vermisst, aber mit sinere potenzielle Reis han ich d Flüss känneglernt – Limmet –> Aare –> Rhein –> Waal –> bis uf Rotterdam!

Comments are closed.