🇨🇭⚽🔥
Es isch e richtig starki Europameischterschaft gsi für d’Schwiizer Fraue! Sie hend mit vill Herz, Einsatz und Teamgeist gspilt und dä Plausch z’luege war riesig. Schade, isch s scho wieder verbii – mir hätted gärn no meh gseh. Hopp Schwiiz, mir sind mega stolz uf öich! 🇨🇭⚽🔥

by jmmv2005

4 comments

  2. Was chunnt nachem Viertelfinal?
    D Qualifikationsrundi

  4. sehr schad. es hät es paar parallele gä zu letscht jahr: ahgschlageni captain wo trotzdem jedi minute spillt (Wälti & Xhaka), de superstar wo vA uf de bank hockt (Alisha & Xherdan), de “chliner” mittelfäld star wo d mannschaft im stille treit (Reuteler & Freuler), junge Flügel wo uf sich ufmerksam macht (Wandeler & Ndoye).

    trotzdem, mussi säge dases letscht jahr me weh tah hät. s momentum nachem Italie Sieg isch so da xi und leider hät de Muri wider Muri sache müesse mache gäg Ängland. gester häts ein plan gä: eine uf Ueli mache. das cha amix ufga, isch bi somne Qualitätsunderschid so unwarschinlich aber. hät lang guet funktioniert, aber am schluss mueme fascht froh si, dasme mitem ahständige resultat usscheidet.

    söll nüt wegnä vo de leischtig vo de Ladies. de iisatz und wille isch top xi in allne 4 spiel. isch sicher nöd eifach xi nach dere vorbereitig und em ganze medie zirkus rund ume (7-1 hAHAha). dänn trotzdem im letschte gruppespiel no am schluss s desaster in letschte minute abgwändet.

    bin sowiso fän, wil schwizer, aber ez no meh! freu mi druf wänd d Scherteleib und d Wandeler chli meh erfahrig xammlet händ und sich zu richtige top spillerine entwicklet.

Comments are closed.