Strjórnarskráróður eftir Hauk Hilmarsson “Það góða fólk vill gera drög að góðri stjórnarskrá svo brjóta megi betri lög og brjóta fleirum á”

3 comments

1. *Eftirfarandi er greinargerð mín um kosningar til stjórnlagaþings ogvæntingar mínar til þess. Hún prýddi kjörseðil minn í kosningunum.*

   *-Haukur Hilmarsson til tímaritsins Rósturs*

   **Stjórnarskráróður**

   ​

   ​

   Þú skalt velja, þing er haldið,
   þau sem talast við
   um regluverkið, ríkisvaldið,
   réttlæti og frið.
   Það góða fólk vill gera drög
   að góðri stjórnarskrá
   svo brjóta megi betri lög
   og brjóta fleirum á.

   Auðlindirnar almenningur
   eignast skamma stund
   sem skríða eins og skafreinningur
   skjótt í heimanmund
   til AGS sem dregur deyfða
   drottna haf og lönd
   svo endi valdið endurdreyfða
   allt á sömu hönd.

   Ef blásið fjandans biskupsfólið
   burtu er í haust
   hann ræna mun og reka í bólið
   ríkið grímulaust.
   Það bákn sem vísar börnum veginn
   bönnum fyrrist við
   og rekur oní ræfilsgreyin
   ríkiskrosslafið.

   Hver á sér meðal þjóða þjóð
   sem þannig skilur frið:
   Einskis vert er írakst blóð
   og einskis sjálfræðið?
   Samfélagsins sáttmálsörk
   mun siða peninginn
   og núa saman níð og spörk
   í Níumenninginn.

   Mæra þingið máttarvöld
   sem mest því allt er autt,
   brotamálmur búsáhöld
   og bálið löngu dautt.
   Þó má ekkert þessu hamla
   þörf er brýn að fá
   Valdinu að brjóta og bramla
   betri stjórnarskrá.

   -Óður

2. Mjög skemmtilegur flutningur og textinn auðvitað frábær líka.

3. Mjög flott plata