Ótrúlega góð síða um orkuskipti, hvað felst í þeim og hverju það skiptir (fjárhagslega) fyrir íslenskt samfélag að þau náist

4 comments

1. Góð lesning.

   Ég var á ráðstefnu Félags Íslenskra Fiskmjölsframleiðenda í seinustu viku.

   Þegar þeir voru skertir um raforku tóku þeir alla rafbílavæðinguna og sturtuðu henni í niðurfallið. Samsvaraði einum 70L bensíntank á 2 mínutna fresti yfir vertíðina.

   Það er brýnt fyrir okkur að styrkja raforkudreifikerfin og virkja meira víðar – enga Kárahnjúka, en fleiri orkuver með minna uppsettu afli. Þá nýtist orkan sem næst framleiðslustað og flutningstöp verða minni.

2. Finnst tvennt standa upp úr: annars vegar að flug og skip nota 78% olíunnar sem Ísland flytur inn (bílar bara 7%), hins vegar að ef við náum orkuskiptunum í gegn spörum við sem samfélag um 100 milljarða árlega í gjaldeyri.

3. Flott síða, en hvað er hún að segja mér annað en að (1) við viljum skipta út olíu fyrir rafmagn og að (2) okkur vantar meira rafmagn? Er það ekki eitthvað sem flestir vita nú þegar? Kemur eitthvað fram um það hvernig við ætlum að framleiða meira rafmagn, hver ætlar að sjá um það og hvað það kostar?

4. Oft er talað um svokallað rafeldsneyti sem er fínt orð fyrir metanól. Þetta metanól á að koma í staðinn fyrir olíu á skip og flugvélar. Skipavélar sem ganga fyrir metanóli komu bara á markað fyrir ca 5 árum í hálfgerðu tilraunaverkefni og ég á erfitt með að trúa að allur skipafloti landsins verður endurnýjaður á næstu 18 árum sérstaklega þar sem hann hefur mikið verið endurnýjaður seinustu 10 ár. Að skipta um vélar í skipaflotanum er ekki raunhæft heldur því metanól hefur ca helminginn af orkuinnihaldi olíu og þarf tankapláss því að vera tvöfalt meira, ekki beint eitthvað sem er hægt að græja í fullsmíðuðu skipi.

   Hef ekki ennþá séð neinn tala um hvernig það á að græja þetta.