Kampen mellom Brattvåg og Moss enda laurdag opp i ein dramatisk straffekonkurranse etter både ordinær speletid og ekstraomgangar.
Men Østfoldingane henta seg inn i straffekonkurransen, og enda derfor med å bli vinnarane som skal behalde plassen sin i 1. divisjon neste år.
Dramatisk 2. omgang
Etter 1. omgang stod det 0–0 mellom dei to laga, men det var etter pause at det for alvor blei dramatisk.
Oscar Solnørdal og Oskar Stølan skåra to mål for Brattvåg på under fem minutt og låg i nokre minutt godt an til opprykk.
Men Moss utlikna i 78. minutt då Brattvåg-spelar Oskar Stølan skåra eit sjølvmål.
Dermed måtte dei to laga halde fram i ekstraomgangar og straffekonkurranse for å avgjere kven som skulle spele i 1. divisjon.
Ekstraomgangane førte ikkje til nye skåringar, sjølv om Brattvåg hadde fleire moglegheiter. og dermed måtte kampen bli avgjort i ein dramatisk straffekonkurranse.
Der skåra Moss til saman fire mål, som sikra dei plassen i 1. divisjon.
Det vart ikkje opprykk på Sunnmøringane.
Foto: Åshild Fjørtoft / Haramsnytt
– Surt og tungt
Dagleg leiar i Brattvåg IL, Simon Tomren, er skuffa etter dagens kamp.
– Det er sinnssjukt surt og tungt akkurat no, seier han.
Han meiner at Brattvåg er det beste laget, og fortente ein plass i 1. divisjon.
– Sesongen i år har vore fantastisk, og vi har vist oss frå ei fantastisk god side. Så skal vi ta det vidare i neste sesong. Brattvåg er eit lag å følgje med.
Dagleg leiar i Brattvåg IL, Simon Tomren, seier det er tungt akkurat no.
Foto: Øyvind Berge Sæbjørnsen / NRK
Fire lag i toppfotballen
Neste år har Møre og Romsdal til saman fire lag i toppfotballen:
Publisert
29.11.2025, kl. 15.57
Oppdatert
29.11.2025, kl. 19.51