Saka oppsummert:
- Flaumfare på gult nivå er varsla for vestlege delar av Agder og sørlege Rogaland frå måndag kveld.
- Det er venta mellom 60 og 90 millimeter regn, kombinert med stigande temperaturar som fører til snøsmelting.
- NVE oppfordrar til å reinse stikkrenner, kummar og vassvegar for å hindre overvatn og lokale flaumar.
- Bilistar blir åtvara om vanskelege køyreforhold på grunn av mørk asfalt og mogleg overvatn på vegane.
- Kommunar i dei utsette områda aukar beredskapen ved å sjekke rister, avløp og andre kritiske punkt.
- Folk blir oppmoda til å sikre verdiar og flytte dei bort frå flaumutsette område.
Oppsummeringa er laga av ei KI-teneste frå OpenAI. Innhaldet er kvalitetssikra av NRK sine journalistar før publisering.
I dei vestlege delane av Agder kan det bli fleire titals millimeter med regn.
– Det kan komme opp mot 60 og 90 millimeter med regn, seier meteorolog Hanne Beate Skattør.
Din nettleser støtter ikke innbygging av eksternt innhold
Meteorologen varslar at regnet kjem samstundes som temperaturane stig.
I område der det kom snø i går, vil snøsmelting bidra til endå større vassmengder.
– Dette kan føre til lokale flaumar og overvatn i tettbygde område, seier flaumvakt Ina Storteig i Noregs vassdrags og energidirektorat.
Har du forberedt deg på regnværet?
Ja! Forbereder meg alltid.
Nei, men tror det skal gå fint.
Visste ikke det skulle regne.
Vis resultat
Denne avstemningen viser ikke hva befolkningen mener om spørsmålet.
Resultatet viser hva de som selv har valgt å stemme mener,
og avstemningen har ikke et utvalg som gjør den representativ for alle som bor i landet.
Ber folk køyre varsamt
Rolf Ove Lunden, avdelingsleiar for vegdrift i Agder fylkeskommune meiner folk må passe ekstra godt på når dei er ute og køyrer det neste døgnet.
– Det er mørk asfalt i heile fylket. Det er ikkje så lett å sjå viss vegen er fløymt over med vatn, seier Ove Lunden.
Det blir også oppfordra å halde seg unna elvar og bekkar med stor vassføring
Foto: Jørgen Gunnestad / SKS
NVE oppfordrar folk til å reinse stikkrenner, kummar og andre vassvegar fri for snø og is.
– Då vil vatnet kunne renne uhindra der det vanlegvis renn, seier Storteig.
I tillegg til dette burde ein sikre og flytte verdiar bort frå utsette område.
Aukar beredskapen
Kommunane lengst sør i Rogaland har merkt seg at Yr.no melder om flaumfare på gult nivå i kveld og i morgon.
– Kommunen sine folk kjem difor til å sjekke rister og avløp, for å sikre seg mot flaum, seier Stig Skåland, lokal leiar i Lund brannvesen.
Både i Lund og Sokndal er det område som er spesielt utsette for flaum.
Det er fare for lokale flaumar og erosjonsskadar i bekker og elvar, ifølge Varsom.no.
Foto: Yr
– I Sokndal har vi gode rutinar for blant anna å sjekke kummar i utsette område. I tillegg tar vi ei runde i leiargruppa i ettermiddag for å sikre oss om at vi er godt førebudde, seier kommunedirektør Liza Øverdal.
I Eigersund kommune vil teknisk etat vere ekstra årvakne.
– Ut over dette gjer ikkje kommunen noko spesielt for å førebu seg på nedbøren som kjem, seier kommunalsjef Leif E. Broch.
Publisert
01.12.2025, kl. 13.26