Saka oppsummert

  • College of Europe, ein prestisjeskule for EU, og EUs utanriksteneste er under etterforsking for mogleg korrupsjon og interessekonflikt.
  • Politiet gjennomførte razziar i Brugge og Brussel, og tre personar er pågripne for avhøyr.
  • Mistanken gjeld innsideinformasjon knytt til tildelinga av kontrakten for EU Diplomat Academy i 2021–2022.
  • Federica Mogherini, tidlegare EU-utanrikssjef og direktør for diplomatakademiet, er peika ut som ein av dei pågripne, men dette er ikkje stadfesta.
  • EU-kommisjonen vil ikkje kommentere etterforskinga.

College of Europe har vore årestaden for EUs maktelite sidan 1949.

Prestisjeskulen har produsert ei rekke toppolitikarar- og diplomatar, og gitt studentane sine prestisje og nettverk som har opna dørene til kremjobbar i Brussel seinare.

No står institusjonen midt i ei mogleg korrupsjonsskandale.

Bildet viser navneskiltet til Europacollege plassert på en vegg. Skiltet inneholder teksten "College of Europe" på tre språk: engelsk, fransk og nederlandsk. Det er delt inn i to seksjoner; den øverste angir navnet, mens den nederste gir en beskrivelse av institusjonen. Omgivelsene er en enkel, lys vegg som gir kontekst til plasseringen av skiltet.

College of Europe i Brugge.

Foto: KURT DESPLENTER / AFP / NTB

Tidleg tysdag morgon tok politimenn kledde i sivilt seg inn på skulens bygg i den belgiske byen Brugge, og gjennomførte ein razzia.

Samstundes gjekk politiet i Brussel til aksjon mot hovudkvarteret til EUs utanriksteneste, EEAS.

inngangen til EEAS, EUs utanriksteneste

Inngangen til EUs utanriksteneste i Brussel.

Foto: NICOLAS TUCAT / AFP / NTB

Tre personar er pågripne og skal i avhøyr, mistenkte for bedrageri, ifølge EU-påtalemakta Eppo.

Ingen er sikta.

Vi må tilbake nokre år for å sjå på saka som no blir etterforska.

Elitefabrikk under lupa

I 2021 og 2022 konkurrerte nokre av dei beste utdannings- og forskingsinstitusjonane i Europa om å få drive pilotprosjektet EU Diplomat Academy.

Her skulle EUs framtidige diplomatar gjennom eit ni månadar langt opplæringsprogram, finansiert av EEAS.

Kontrakten var lukrativ: nær ein million euro i EU-middel, i tillegg til høg status i Brussel-miljøet.

En person med lyst hår står i en romslig innendørs setting. Bakgrunnen viser uskarpe lys og detaljer, som skaper en festlig atmosfære. Personen er kledd i mørke klær og engasjert i en samtale. Belysningen fra omgivelsene gir et varmt preg til scenen.

Federica Mogherini.

Foto: CHIP SOMODEVILLA / AFP / NTB

Til slutt gjekk kontrakten til College of Europe, med Federica Mogherini som direktør for diplomatakademiet.

Men allereie før midla blei offisielt tildelte skulen, kjøpte dei eit bygg i Brugge til å huse diplomataspirantane, skriv avisa Euractiv, som har kjelder i EUs diplomatiske teneste.

Mistenker innsideinformasjon

Eppo opplyser at det er mistanke om at innsideinformasjon blei delt med éin av kandidatane som deltok i anbodsrunden.

Dei mistenker brot på artikkel 169 i EUs finansforordning, som skal sikre open og rettferdig konkurranse.

Etterforskinga har skaka EUs diplomatiske miljø, og fleire stiller spørsmål ved EUs elitesystem og bruken av offentlege middel.

Inngangen til College of Europe viser skilt med navnene "Brugge" og "Natolin". I bakgrunnen er en skjerm som viser værmeldingen. Omgivelsene inkluderer stakkato flagg hangende fra taket. Bildet gir et inntrykk av en akademisk setting.

Foto: KURT DESPLENTER / AFP / NTB

Fleire medium peikar på nettopp Federica Mogherini som ei av dei som blei pågripne i Brugge i dag, men dette er ikkje offisielt stadfesta.

Mogherini er blant dei mest profilerte skikkelsane i EU det siste tiåret.

Tidlegare har ho vore både utanrikssjef i EU og visepresident i EU-kommisjonen.

To personer i formelle klær håndhilser i et møterom. Den ene personen er en mann med grått hår, den andre er en kvinne med kort, blondt hår. Begge ser ut til å ha en positiv og formell interaksjon. I bakgrunnen er det en del personer som deltar i møtet.

Mogherini saman med Jens Stoltenberg i 2019.

Foto: STEPHANIE LECOCQ / AFP / NTB

Dei belgiske avisene Le Soir og L’Echo siterer anonyme kjelder på at Mogherini er sett i varetekt.

Fjerna immunitet

Eppo, som etterforskar økonomisk kriminalitet mot EU-middel, fekk først oppheva immuniteten til fleire av dei mistenkte.

Immunitet skal beskytte EU-tenestepersonar mot politisk motivert forfølging, men kan bli fjerna når det er mistanke om straffbare handlingar.

Antikorrupsjonsbyrået Olaf hjelper også i etterforskinga.

EU-kommisjonen stadfestar at det er gjort søk mot utanrikstenesta, men avstår frå å kommentere etterforskinga eller kven som er pågripne.

Interessert i meir utanriksstoff? Lytt til redaksjonens podkast:

Publisert

02.12.2025, kl. 20.09