– Det er grufullt, eg får heilt skjelvingar og blir skikkeleg råka av det.

Det seier vaktmeister på Charlottenlund idrettspark i Trondheim, Jarle Martin Paulsen.

Då han kom på jobb i dag tidleg, var det til eit syn han seint vil gløyme:

Fritidsklubben, Chappa, var fullstendig ramponert. Toalettet var knust, sofaen skoren opp, vindauge var knust, måling var kasta rundt og det var tagga over alt.

←

  • Et rom med en ødelagt biljardbord i forgrunnen, dekket av søppel og utstyr. En kvinne i lys skjorte går mot en dør, mens en mann i rød skjorte står bak bordet og ser på. Veggen er delvis dekket med graffiti. Andre møbler som stoler og et bord er også synlige i rommet.

    Fleire stader var lampar og anna riven ned og det var tagga på veggar og bord

    Foto: Jøte Toftaker / NRK

  • Et rotete toalettrom med en ødelagt gitar og søppel. Toalettet er fullt av skitt, og det ligger papir og en bøtte på gulvet. En toalettbørste og en toalettpapirholder er også synlige. Omgivelsene er enkle med hvite vegger og grått gulv.

    Toalettet og ein ukulele var knust

    Foto: Jøte Toftaker / NRK

  • Et rom er dekket av malingssøl og papirbiter. En malingsbøtte ligger på gulvet, mens en pensel er plassert ved siden av. En sofa står til venstre, delvis dekket av hvit maling. I bakgrunnen sees et kjøkkenområde og stoler satt rundt et bord.

    Fleire målingsspann var kasta rundt

    Foto: Jøte Toftaker / NRK

  • En glassdør er knust, og det ligger glasskår på det røde gulvet. Det er graffiti på veggen til venstre, og en lukket svart dør i bakgrunnen. Papir og annet søppel ligger spredt på gulvet. Rommet ser forlatt ut.

    Fleire vindauge hadde blitt knust i løpet av natta

    Foto: Jøte Toftaker / NRK

→

– Eg tenker på kor mange ungar og barn som blir råka av dette. Det er forferdeleg, seier vaktmeisteren.

– Du har jobba her lenge. Har du nokon gong sett noko liknande hærverk før?

– Nei, eg har ikkje det. Eg har jobba her i 30 år og dette er grufullt, konstaterer Paulsen.

Jarle Martin Paulsen

Vaktmeisteren har aldri sett noko liknande.

Foto: Stein Roar Leite / NRK

– Noko av det verste eg har sett

Også byråd for kultur, idrett og friluftsliv i Trondheim kommune var sjokkert over hærverket på fritidsklubben.

– Det er heilt forferdeleg. Det er noko av det verste eg har sett, seier Trond Åm.

Det er usikkert kor lang tid det vil ta for å få fritidsklubben i stand igjen etter hærverket.

– Kva konsekvensar får dette?

– No må jo klubben stengast, det er det ingen tvil om. Det må gjerast eit ganske omfattande arbeid, svarar Åm.

En mann står i et rotete rom med søppel og papirer på gulvet. I bakgrunnen er det en biljardbord og en fargerik vegg. Det er dekorasjoner i form av flagg og en klokke synlig. Rommet ser ut til å være en aktivitetssal eller et verksted.

Byråd for kultur, idrett og friluftsliv, Trond Åm, seier det er trist

Foto: Jøte Toftaker / NRK

Fritidsklubben er ein viktig møteplass for fleire av ungdommane på austsida av Trondheim.

– Me veit at dette er eit viktig tilbod for ungdom som vil treffe vener, ha aktivitetar og nokon treng vaksenkontakt. Dette får først og fremst konsekvensar for dei.

No må kommunen kartlegge kor omfattande skadane er for å få fiksa fritidsklubben.

Men det lover byråden at dei kjem til å prioritere høgt.

– Me må sørge for at sjappa blir opna igjen, så fort som mogeleg.

Et rotete rom med spillkort og materiell spredt over gulvet. Bordet er delvis synlig, med noen gjenstander plassert på det. I bakgrunnen sees en sofa og et TV-skjerm. Rommet har lysere vegger med dekorasjoner og planters.

Det var mykje rot i tillegg til hærverk på fritidsklubben.

Foto: Jøte Toftaker / NRK

Etterforskar saka

Politiet blei varsla av vaktmeister Paulsen, kort tid etter han oppdaga hærverket.

Ein patrulje rykka ut til staden for å gjere undersøkingar.

Dei sikra bilete av åstaden for hærverket, sikra DNA-spor og oppretta sak.

– Me fortset etterforskinga og prøve å finne ut kven det er som er gjerningspersonar.

Det seier politiadvokat Marthe Kulseth Dahl.

Publisert

04.12.2025, kl. 20.22