– Eg skal prøve å roe meg ned, men eg skjønar eigentleg ingenting, seier ein blid Emil Iversen til NRK etter å ha spurta inn til ein tredjeplass.
Han held fram:
– Eg er veldig stolt og takksam.
Laurdag fekk Iversen sin revansje på heimebane – i den siste fellesstarten med skibyte-distansen før OL.
Det har den siste tida vore mykje bråk rundt verdscup-uttaket, og Iversen måtte førre veke gå Noregs cup.
– Dette betyr mykje for Iversen, seier Fredrik Aukland om Iversen sin tredjeplass.
– Emil Iversen, ein av dagens vinnarar, seier Jann Post.
Trønderen gjekk inn til ein råsterk tredjeplass etter ein dramatisk spurt.
Klæbo vann den 20 kilometer lange fellesstarten med skibyte, mens Harald Østberg Amundsen tok andreplassen.
NØGD: Emil Iversen var nøgd etter å ha tatt tredjeplassen under verdscupen i Trondheim.
Foto: Geir Olsen / NTB
– Eg veit eg har vore i god form lenge i år, men ting skal klaffe. Eg har følt at det har vore lang veg opp til toppen, men eg fekk moglegheita, seier Iversen.
Han held fram:
– Nå får eg att for det harde halvåret eg har gjort. Og vel så det. Eg kunne lagt opp, eg nå, seier Iversen med eit smil.
Johannes Høsflot Klæbo har tidlegare sagt at han har hatt trua på kameraten.
– Eg synest dette er artig. Eg har sete og høyrt på den jazzinga her i fleire månadar. Dette er andre gong me går mot kvarandre denne sesongen, eg har heldigvis slått han to av to gonger, men eg har tapt alle intervalløkter i høgda, seier Klæbo og legg til:
– Eg veit kva han kan på sine gode dagar. At han får det til her, når han har kniven på strupen, er veldig artig. Og veldig fortent.
Trønderen meiner Iversen har gjort endringar frå tidlegare år
– Me kan starte med kosthald. han søv meir. Det er ganske mange vesentlege faktorar, som dei fleste skjønar, men som det tok 12-13 år for Iversen å skjøne, legg Klæbo til.
Høg fart
Det blei tidleg sett fart på løpet.
Finske Iivo Niskanen sette opp tempoet alt etter ein runde gått i Trondheim. Feltet blei fort strekt, men fleire av dei norske utøvarane hengde med.
Ifølgje langrennsekspert Pål Golberg, låg Emil Iversen langt bak i feltet før siste delen av rennet.
– Han klarte å posisjonere seg fram og ta fram litt gammalt instinkt, så det var veldig moro for Emil Iversen, sa NRK-ekspert Pål Golberg om løpet.
– Han er i betre forfatning enn han har vore dei siste åra. Det handlar på mange måtar om å få det ut når det gjeld. Det har kanskje vore ein liten mental sperre for Emil, la han til.
– Klæbo har manøvrert seg helt fram i feltet. Her er helt utruleg korleis han bruker utforkøyringane til å gjere det, sa NRK-ekspert Fredrik Aukland.
Det var siste gong utøvarane fekk prøvd seg på distansen før OL.
HØG FART: det gjekk fort på 20 kilometer fellesstart med skibyte
Foto: Geir Olsen / NTB
Skibyte
Johannes Høsflot Klæbo og Federico Pellegrino var først ut av skibytet. Fleire av dei norske bytte ski fort, det sørga for at alle utøvarar var blant dei 25 første ut frå skibytet.
Et godt norsk skibyte sørger for at alle norske er blant de 25 første løparane ut frå dette skibyttet.
– Det er ingen av dei som kan sette fart i skøytedelen, som er fremst, meinte Jann Post etter skibyte.
Langrennsekspert Pål Goldberg meinte verken Klæbo eller Pellegrino ville sette fart.
Men det tok ikkje lange tida før Nyenget var fram i teten att, tett etterfølgt av Ree.
Simen Hegstad Krüger, som har OL- og VM-gull i øvinga, hamna bak leiargruppa og jakta gruppa i lag med Filip Skari.
Publisert
06.12.2025, kl. 11.55
Oppdatert
06.12.2025, kl. 12.23