Naudetatane rykkjer ut etter melding om buss som har køyrt i grøfta på Hafslovegen i Luster.
Det melder Vest politidistrikt klokka 08.40 tysdag. Det er så langt ikkje meldt om personskade. 110 Vest melder at det først var vanskar med å få opp døra på bussen, men brannvesenet melde klokka 08.47 at alle passasjerane er ute av bussen.
– Det var seks passasjerar i bussen, ei blanding av vaksne og barn. Bussen står i grøfta, delvis på sida. Det var bekymring for at han ville tippa, men det er komen ein hjullastar som sikrar han.
Det seier operasjonsleiar Bjarte Rebnord i Vest politidistrikt like før klokka 09.00.
Politi og brannmannskap er på staden, ambulanse er på veg.
– Me kjenner ikkje til at det er personskade. Det er heller ikkje store trafikale problem på staden, seier Rebnord.