Saka oppsummert

  • Rosita Ervik fekk livet snudd opp ned då ho fekk vite at synet hennar kunne bli sterkt svekka.
  • Etter å ha mista håpet om arbeid, fekk ho hjelp frå arbeids- og inkluderingskonsulenten i Brisk.
  • Gjennom støtte og kurs er ho no klar for praksis som lettmatros i brønnbåtreiarlaget Sølvtrans.
  • Pilotprosjektet Vaktskiftet jobbar for å redusere utanforskap ved å inkludere fleire i arbeidslivet.
  • Prosjektleiar Henrik Dalelid Vedde meiner det er viktig å sjå på dei utanfor som ressursar, ikkje som svake.
  • Rosita oppmodar andre i same situasjon til å søkje støtte og hjelp for å finne nye moglegheiter.

Oppsummeringa er laga av ei KI-teneste frå OpenAI. Innhaldet er kvalitetssikra av NRK sine journalistar før publisering.

På kaia i Ålesund ser ho draumen kome mot land. Ein brønnbåt frå reiarlaget Sølvtrans.

– Eg blir skikkeleg gira. Eg er heilt klar for å kome i gang, seier Rosita Ervik.

For to år sidan var ho alt anna enn gira.

En person står foran et skip i en havn, iført en svart jakke. Omgivelsene er preget av grå himmel og betongoverflater. Skipet har synlige rør og utstyr på dekk. Scenen indikerer aktivitet knyttet til maritim sektor.

Rosita Ervik trudde ikkje ho hadde ei framtid i arbeidslivet.

Foto: Frederik Winness Ringnes / NRK

Heilt tilfeldig blei det oppdaga at ho hadde eit gen som ville gjere at synsfeltet hennar sakte men sikkert kom til å bli innsnevra til det nesten var borte.

Ho gjekk i kjellaren og tenkte at ho aldri kom til å kome seg i arbeid att.

– Eg såg ingen moglegheiter. Det var tungt, seier ho.

Mange er utanfor

700.000 personar i arbeidsfør alder er utanfor arbeidsliv eller utdanning her i landet.

Det vil seie at ein av fem er i utanforskap. Det ønsker organisasjonen Kopano å gjere noko med.

Dei er paraplyorganisasjonen til dei leiande arbeids- og inkluderingsbedriftene i landet, og har starta pilotprosjektet Vaktskiftet i Møre og Romsdal.

En mann står utenfor en bygning med store vinduer, iført jakke og genser. Det er en solfylt dag med fjell og vann i bakgrunnen. Flere biler er parkert langs veien hvor mannen står. Omgivelsene bidrar til en rolig atmosfære.

Prosjektleiar i Vaktskiftet, Henrik Dalelid Vedde.

Foto: Frederik Winness Ringnes / NRK

Målet til prosjektleiar Henrik Dalelid Vedde er at dette skal bli eit landsomfattande prosjekt der inkluderingsbedriftene går saman med næringslivet for å jobbe aktivt med å få folk i utanforskap ut i arbeid.

– Vi må rett og slett ta et krafttak for å redusere utanforskapet, seier han.

Vedde meiner det er eit paradoks at vi har eit stabilt høgt tal på folk som er utanfor, samtidig som mange bransjar skrik etter arbeidskraft.

Han trur også det er viktig at ein ikkje ser på dei som har hamna utanfor som svake, men som ein ressurs.

– Vi må samle oss, ta et steg fram og få folk i arbeid, seier han.

Tre personer sitter rundt et bord i et moderne møterom. Utsikten viser bygninger utenfor vinduet. Den midterste personen har på seg en vest og observerer de to andre som drikker. En skjerm og lydutstyr finnes i rommet.

Rosita Ervik, Trine Otterlei og Elisabeth Garnes.

Foto: Frederik Winness Ringnes / NRK

Fekk hjelp

For Rosita Ervik var det arbeids- og inkluderingskonsulenten i Brisk, Elisabeth Garnes, som vart redninga i ein fortvila situasjon.

– Ho har bygd meg opp, gitt meg håp og vilje til å satse.

Ervik har tatt alle kurs som trengs for å reise til sjøs, og har no fått godkjent praksisplass om bord i ein av brønnbåtane til reiarlaget Sølvtrans.

Dermed blir jula feira til sjøs i år.

Ho har også tatt ein ny synstest, og sidan synet ikkje har endra seg på to år, vel ho å tru at genet ikkje skal skape problem for henne.

En ansatt står i resepsjonen til Søytrans. De har på seg en blå vest og en hvit skjorte. Bakgrunnen viser en moderne kontorinnredning med store vinduer. Det er også en datamaskin og noe innredning synlig i området.

Trine Otterlei er mannskapssjef hos Sølvtrans.

Foto: Frederik Winness Ringnes / NRK

Mannskapskoordinator i selskapet, Trine Otterlei, er heilt klar på at mange av dei som har hamna utanfor arbeidslivet kan bli ein stor ressurs. Men nokre gongar kan alle kompetansekrava vere til hinder for at det er mogleg å få til.

– Dei som har eit brennande ønske om å reise på sjøen. Dei må få ein sjanse. Det er dei eg vil ha, seier ho.

En person står på kaien og ser på to store båter i havnen. I bakgrunnen ses flere bygninger og båter. Himmlen er delvis skyet, og vannoverflaten er rolig. Den enkelte personen har på seg en svart jakke med hette.En arbeidstaker i rød dress står ved kaien og holder en line som er festet til skipet "Ronja Strand". Skipets front er synlig, med en dyp blå farge og hvite detaljer. I bakgrunnen sees en by med flere bygninger og fjell. Værforholdene er delvis overskyet.Foto: Frederik Ringnes/ NRK

Rørt

Elisabeth Garnes i Brisk har verkeleg trua på prosjektet der næringsliv, Nav og inkluderingsbedrifter samarbeider betre for å gjere vegen tilbake til arbeidslivet lettare for dei som har hamna utanfor.

Ho er svært stolt og glad over det Rosita Ervik har oppnådd, og at ho no er klar for eit liv på havet.

En person i svart jakke står foran en vannkilde, med en mikrofon i fokus. Bakgrunnen viser en kystlinje med bygninger og fjell. Det er overskyet vær, og personens hår flagrer i vinden. Bildekvaliteten gir en klar fremstilling av scenen.

Elisabeth Garnes er veldig glad for at Rosita Ervik no er klar for arbeidslivet igjen.

Foto: Frederik Winness Ringnes / NRK

– Det er rørande. Eg kjenner eg blir varm, for det har vore ei reise. Å få jobbe i grensesnittet mellom utanforskap og moglegheitene i arbeidslivet, er fantastisk, seier Garnes.

Ho er omtrent like spent som Rosita Ervik på det som no ventar. Og Ervik har eitt råd til andre som hamanr i same situasjon som ho gjorde:

– Få ein støttespelar. Få hjelp. Då er alt mogleg.

Publisert

17.12.2025, kl. 11.32