Onsdag kveld hadde utrykkingspolitiet fartskontroll i 80-sona på rv. 5 ved Kjøsnestunnelen på Skei.
I løpet av dryge to timar blei det delt ut to forenkla førelegg, der høgste målte hastigheit var 96 km/t.
Ein mann i slutten av 30-åra var endå hardare på gasspedalen og mista førarkortet etter å ha blitt målt i 141 km/t.
Det opplyser operasjonsleiar Bjarte Rebnord ved Vest politidistrikt. Elles har det vore ei roleg natt for politiet i Sogn og Fjordane.