Saka oppsummert
- Prognosane for kvit jul i Agder varierer, med sjanse for snø, sludd eller regn.
- Områda langs kysten aust i Agder, som Arendal, har størst sjanse for snø.
- Lengst vest i Agder og heilt ute ved kysten blir det truleg regn og plussgrader.
- Kristiansand får sol og to varmegrader på julaftan.
- Romjula blir prega av rolege og stabile vêrforhold med temperaturstigning.
- Det er lite sannsynleg med snø i fjellområda i Agder.
Oppsummeringa er laga av ei KI-teneste frå OpenAI. Innhaldet er kvalitetssikra av NRK sine journalistar før publisering.
Det er straks julaftan og temperaturane ligg rundt null fleire stader i Agder.
Kan det bli kvit jul for nokon heldige egder?
– Det er litt vanskeleg å seie akkurat kva det blir nå, men det kan bli snø, sludd eller regn, seier Marit Berger.
Ho peikar ut områda langs kysten aust i Agder kor sjansen er størst for kvit jul.
Blant anna står det på Yr i nåverande augeblink at Arendal kan få snø.
– Der er ei smal stripe oppover i gamle Aust-Agder. Heilt ut på kysten blir det nok regn. Så det må litt innanfor, men ikkje så veldig mykje.
Nedbøren ligg ute i Skagerrak og trekker berre så vidt inn mot land.
– Det blir ikkje nedbør lengre inn i landet og opp i fjell og sånt.
Ikkje veldig «vinterleg»
Lengst vest i Agder er det meldt plussgrader på julaftan.
– Her blir det ikkje så veldig vinterleg, seier Berger.
Litt innover i landet kan det bli «rimete».
I Kristiansand blir det strålande sol og to varmegrader.
Temperaturstigning
Statsmeteorologen melder om rolege og stabile vêrforhold i romjula.
Temperaturen vil stige noko utover i romjula, med fleire plussgrader.
– Ikkje noko kjempevarmt. Men eit lite skilje blir det, da.
Publisert
22.12.2025, kl. 18.36