Saka oppsummert:

  • Hunden Max (2) døydde muligens av hjertesvikt etter å ha blitt skremt av ulovleg fyrverkeri.
  • Eigaren Randi Helene Dyngedal Bakke fann hunden død i skogen etter å ha leita desperat.
  • Fyrverkeriet skjedde utanfor nyttårsfeiring.
  • Facebook-posten hennar har fått stor merksemd, med fleire tusen likerklikk og delingar.
  • Bakke ønskjer å advare andre hundeeigarar om farane ved fyrverkeri, spesielt ulovleg bruk.

Oppsummeringa er laga av ei KI-teneste frå OpenAI. Innhaldet er kvalitetssikra av NRK sine journalistar før publisering.

– Han har nok sprunge seg i hel.

Det seier Randi Helene Dyngedal Bakke til NRK dagen etter at hunden vart funnen død i skogen.

Tidlegare same kveld skulle ho og ein ven gå ein idyllisk måneskinstur med hunden Max (2) i friluftsområdet på Burøya i Arendal

En person sitter i førersetet i en bil, iført en mørk lue og en grøn flette over ansiktet. Personen har langt, lyst hår som henger ut fra fletten. Bilen ser ut til å være i bevegelse, med vinduer synlige i bakgrunnen. Vedlagt klær er en grå hettegenser med fargerike detaljer. (Bildebeskrivelsen er laget av en KI-tjeneste)

LEI SEG: Randi Helene Dyngedal Bakke gler seg ikkje til nyttårsfeiringa.

Foto: Randi Helene Dyngedal Bakke / Privat

Der såg dei ein bil komme i mørket.

Like etterpå small det frå fyrverkeri i lufta.

– Han såg på meg og så sprang han, fortel Bakke gråtkvelt om hunden.

Max var i langline, men laus akkurat då fyrverkeriet small

Bakke fortel at ho var i kontakt med politiet som sa det ikkje var noko lovleg fyrverkeri i området.

NRK har også sjekka dette med brannvesenet.

Eigaren har førebels ikkje meldt saka til politiet.

Slik førebur hundeeigarar seg til nyttårsaftan:

Ba om hjelp

I eit desperat forsøk på å finne hunden tok ho til sosiale medium for å finne Max.

– Han var min beste venn, fortel ho om golden-doodelen sin.

Bakke beskriv Max som ein snill og litt bortskjemt hund. Han var ofte med på jobben som miljøterapeut for vanskelegstilt ungdom.

– Han var ein sånn gledesspreiar mot alle. Han gjekk alltid i hælane på meg og dilta etter. Hadde nokon ein dårleg dag eller var lei seg, så var han den første som skulle trøyste.

En gyllen retriever står i vannet med deler av kroppen nede i vannet. Hunden har på seg en sele og stikker ut tungen mens den hopper. Vannsprut omgir den, og bakgrunnen viser en urolig vannflate. Bildet illustrerer et øyeblikk av lek og aktivitet. (Bildebeskrivelsen er laget av en KI-tjeneste)

LEIK: Max blir beskriven som ein leiken hund.

Foto: Randi Helene Dyngedal Bakke / Privat

Truleg blei hunden så redd at han sprang seg i hel, meiner Bakke.

– Eg fann han med tunga ut av munnen og han var heilt blå. Det er eit teikn på hjartesvikt. seier ho.

Nå vil ho åtvare andre før nyttårsfeiringa.

Facebook-posten hennar har fått stort engasjement og har fleire tusen likerklikk og er delt over 550 gonger.

Hund funnet omkommet. skjermdump fra post på Facebook

Randi Helene Dyngedal Bakke tok til Facebook for å spørje om hjelp. Posten har fått over 2800 likerklikk.

Foto: Skjermdump fra Facebook

Dei siste åra har fleire teke til orde for å gjere privat fyrverkeri ulovleg.

Ein underskriftskampanje kalla «Nei til fyrverkeri» har i skrivande stund over 60.000 underskrifter.

Burde fyrverkeri bli ulovleg av hensyn til dyra?

Ja, dette blir for dumt

Nei, ein kan ikkje lage reglar fordi nokon få fyrer opp fyrverkeri før det er lov

Veit ikkje, dette er ei vanskeleg problemstilling

Vis resultat

Denne avstemningen viser ikke hva befolkningen mener om spørsmålet.
Resultatet viser hva de som selv har valgt å stemme mener,
og avstemningen har ikke et utvalg som gjør den representativ for alle som bor i landet.

Gruar seg

Bakke fortel at ho hadde teke alle forholdsreglar rundt nyttårsfeireinga og hadde planlagt å reise til fjells der det er lite fyrverkeri.

– Det er vanskeleg å gardere seg mot ulovleg fyrverkeri.

Veterinær Anna Nordstrand i Mattilsynet hadde lese om hunden då NRK tok kontakt og er tydeleg på at ho synest det er ei tragisk sak.

Ho seier det er sjeldan at hundar spring seg i hel, men utelukkar det ikkje.

– Det kan tyde på organsvikt, seier Nordstrand om den blå tunga.

Publisert

30.12.2025, kl. 14.07

Oppdatert

30.12.2025, kl. 14.26