Brannvesen, helsepersonell og Norsk Folkehjelp er mobilisert etter at ei kvinne i eit turfølgje på tre fekk problem ved Ramneberg ovanfor Øvre Årdal onsdag føremiddag.
– Ei kvinne har falle på tur og moglegens fått skulder ut av ledd. Ho er i eit turfølgje på tre og på kjent person. Folk frå Norsk Folkehjelp, brannmannskap og helse er på veg opp til kvinna, seier Knut Dahl- Michelsen, operasjonsleiar i Vest politidistrikt klokka 13.30 onsdag.
Meldinga kom til politiet klokka 12.50.
Operasjonsleiar seier det har vore vurdert å kalla ut luftambulanse for å hjelpa turgåaren.
Klokka 14.04 er brannmannskap og helsehjelp framme ved den skadde. Det er sendt eit redningshelikopter mot staden for å hjelpa til med å få frakta pasienten ned, opplyser Vest politidistrikt.