Sogndal, Politi | Bil snurra rundt og hamna i grøfta

Klokka 11.00 vart det meldt om ei trafikkulukke på Rv5 ved Stølen på Kjørnes i Sogndal.

– Ein bil med to personar har snurra og hamna i grøfta. Involverte personar er vakne og bevisste, opplyser operasjonsleiar Knut Dahl-Michelsen ved Vest politidistrikt.

Det skal vera veldig glatt på staden.

Klokka 11.19 melder politiet at patruljen er framme.

– Dei to personane verkar å vera uskadde, men eit barn har smerter i ein arm, opplyser Dahl-Michelsen.

Bilen og eit skilt har fått materielle skader.

Det er passasje forbi staden i eit køyrefelt og bilbergar er rekvirert.

Årsaka til ulukka skal vera glatt veg.

– Førar har fått sleng på bilen på glatta og hamna i grøfta.

Klokka 11.56 blir det meldt om at bilen er fjerna og at vegen er opna.

– Førar og passasjer er køyrde til lokal legevakt. Vegvesenet er varsla og det blir strødd på staden, melder Dahl-Michelsen.

Patruljen oppretter sak.