Torsdag ettermiddag vart ein mann i 60-åra funnen død i ein gjødseltank i Stad kommune i Nordfjord.
Politiet er på staden og gjer undersøkingar.
– Det står fram som ei ulukke og det er ikkje mistanke om at det har skjedd noko kriminelt, opplyser operasjonsleiar Knut Dahl-Michelsen ved Vest politidistrikt.
Mannen skal ha blitt funnen av eit familiemedlem.
Dei næraste pårørande er varsla.
– Den avdøde skal ha utført arbeid i gjødseltanken.
Politiet handterer hendinga som ei arbeidsulukke.