Avtalen gjer at minoritetsinvestorane får 100 prosent kontroll over det børsnoterte selskapet, medan Bluestar ikkje lenger vil eige aksjar i Elkem.
Dette går fram av ei melding på Oslo Børs fredag morgon.
– Transaksjonen er resultatet av ein grundig strategisk gjennomgang som vart sett i gang tidleg i 2025, seier Elkem-styrets nestleiar Dag J. Opedal.
Les også
Finansavisen: Elkem kan bli norsk igjen
Selskapet planlegg samtidig å hente inn 1,5 milliardar kroner i ny eigenkapital. Fleire store investorar, mellom dei Folketrygdfondet, Must Invest og DNB Asset Management, har førehandsforplikta seg til å støtte transaksjonen.
Avtalen må godkjennast på ekstraordinær generalforsamling i Elkem 9. mars. Dersom alt går etter planen, vil transaksjonen vere ferdig i slutten av april eller byrjinga av mai 2026.