Førde, Næringsliv | I dag startar ankesaka om Førdefjorden

I dag startar ankesaka i Gulating lagmannsrett i Bergen, der Naturvernforbundet og Natur og Ungdom krev mellombels stans i sjødeponiet i Førdefjorden.

Saka er retta mot dotterselskapet til Nordic Mining, Engebø Rutile and Garnet.

Miljøorganisasjonane meiner at løyva til sjødeponiet er ulovlege. Dette har Borgarting lagmannsrett tidlegare slått fast. Likevel tapte organisasjonane førre runde i retten, der dei kravde mellombels stans i deponiet medan Høgsterett behandlar anken i hovudsøksmålet.

Rettsaken startar måndag klokka 09.00, og det er venta ei markering utanfor lagmannsretten i forkant. Det er sett av fem dagar til behandling av saka.

Etter at miljøorganisasjonane tapte saka om mellombels stans, kravde Nordic Mining sakskostnader på 4,5 millionar kroner, i tillegg til 1,5 millionar kroner for handsaminga i lagmannsretten. Til saman utgjer kravet over seks millionar kroner.

Tidlegare saker: