Luster, Kultur | Ben Ward er blitt pappa

– Det var ikkje planlagt. Men eit barn som kjem inn i verda, er berre vakkert. Og eg skal gjera alt som står i mi makt for å bli ein god far.

Det seier engelskmannen Ben Ward (40) i eit intervju med NRK.

Ward vart TV-kjendis etter at livet hans på høgdegarden i Luster vart sendt på NRK-programmet «Der ingen skulle tru, at nokon kunne bu» frå hausten 2024. Folk over heile landet har no fått følgja han over fire episodar.

Ville stifta familie

I programmet har Ward ofte snakka om draumen om ei å dela livet med, og å stifta ein familie oppe på høgdegarden hans.

Sogn Avis var på besøk på høgdegarden hausten 2024. Då fortalde han også om framtidsdraumen.

– Eg tykkjer dette er ein fin måte å leva på, men eg vil møta nokon. Stifta familie. Gro grønsaker, sa han då.

No har han fått ein son.

Sogn Avis var på besøk på kroken gard i 2024.
Foto: Ronja Årskaug Vallestad/Arkiv

Til NRK seier Ward at han og mora ikkje er saman, men at dei har eit godt venskap.

– Me begge vil berre gjera det beste for vesleguten. Ho skal vera ein del av livet mitt for alltid. Og me skal klara å samarbeida, slik at sonen vår skal kjenna seg trygg, seier han.

Mora bur til vanleg på Austlandet, men har flytta mellombels saman med si mor til Sogn for å gjera den første tida litt enklare for dei ferske foreldra.

NRK skriv at dei no er i gang med å spela inn nye opptak som kan bli til eit nytt program i desember.

Sogn Avis har vore i kontakt med Ben Ward, som seier at han ikkje ynskjer å gjera intervju utover det NRK har skrive.