Ein iransk legestudent skal ha jobba ved Lærdal sjukehus utan gyldig autorisasjon. Samtidig skal han ha truga andre iranarar i eksil.
Det melder NRK torsdag morgon.
Medan vedkomande var i jobb, skal han fleire gonger ha lagt ut videoar i sosiale medium med valdsretorikk med støtte til det iranske regimet, der han også har truga enkeltpersonar i det iranske eksilmiljøet.
Fagdirektør i Helse Førde, Asle Kjørlaug, seier til NRK at bakgrunnssjekken har vore for dårleg og at helseføretaket har brote eigne retningslinjer.
– Det skjedde ein glipp hos oss og det beklagar vi. Det er viktig å få fram at vedkomande har ikkje hatt sjølvstendig behandlingsansvar for pasientar i den perioden han var hos oss, seier Kjørlaug til Firda.
Firda kjem tilbake med meir.