Klokka 14.17 vart politiet varsla om tre ungdommar som står fast i ein fjellskrent i Nordfjordeid i Stad.
Dei skal stå fast vest for Myrbærskaret.
Politiet meldte om hendinga klokka 14.53.
– Dei skal ha sklidd på snøen og sklidd ganske langt. Dei kjem seg verken opp eller ned, opplyser Knut Dahl-Michelsen, operasjonsleiar ved Vest politidistrikt.
Alle tre er vakne og medvitne.
Det er sendt redningshelikopter til staden, i tillegg er mannskap frå FORF sendt ut.
– Planen er å heise dei ut med bruk av helikopter, opplyser Dahl-Michelsen.
Klokka 15.59 melder politiet at redningshelikopteret har henta ned dei tre personane og ein hund.