Første utfartshelg i mai nærmar seg: – Unngå risikofylt forbikøyring

Onsdag 13. mai og fredag 22. mai ser ut til å bli dei mest trafikkerte dagane denne månaden, ifølgje Statens vegvesen.

– Dette er ein periode der det fort kan bli kø, utolmod og farlege situasjonar, seier Nils Karbø, avdelingsdirektør for Vegtrafikksentralen i Statens vegvesen.

Mange skal på hytta, besøk eller ferieturar, og Vegvesenet ventar at mange kjem til å reise ut samtidig.

– Rekn med god tid, og unngå risikofylt forbikøyring for å «ta igjen» nokre minutt, seier Karbø.

Våren og sommaren er perioden der det er flest alvorlege trafikkulykker. Særleg ulykker med motorsykkel blir trekte fram.

– Tre motorsyklistar har mista livet så langt i år. Det er alvorleg, og understrekar kor sårbare MC-førarar og mjuke trafikantar er, seier Karbø.

(©NPK)