Nyhende, Veg | La ut 800 tonn asfalt før Festidalen

Entreprenøren NCC la ut 800 tonn asfalt på Kjærlandssido i Uskedalen tysdag denne veka, melde Uskedalen.no.

Arbeidet tysdag gjekk føre seg mellom brua i Uskedalen ved fylkesvegen og opp dalen til Kjærland. Det blei òg jobba med ei anna strekke på den kommunale vegen der i førre veke.

Asfalten blei frakta frå båt ved Børneskaien og opp i dalen, skriv nettstaden.

Om kort tid, 26.–27. juni, skal mange 1.000 Festidalen-gjester gå første stubben frå brua og opp til grusvegen som fører vidare til Dønhaug-jordet når den største festivalen i kommunen blir arrangert der.

Vegarbeid på gang i Uskedalen. Her skal mange 1.000 gjester snart traska oppover til Festidalen. På ny asfalt.
Foto: Kristian Bringedal / Uskedalen.no