Vest politidistrikt melder om hendinga klokka 15:13 fredag ettermiddag.
– Naudetatane er på veg til staden etter melding om bil som har køyrd inn i eit hus, opplyser operasjonsleiar Ole Ronny Olsen.
Hendinga skal ha skjedd ved E16 i Lærdal.
Fleire politipatruljar har rykt ut frå både Sogndal og Lærdal.
Store ressursar rykte ut til Lærdal fredag ettermiddag.
Foto: Ole Ramshus Sælthun
Eitt køyretøy og to personar skal vera involvert i ulukka. Begge dei involverte sat fastklemde.
Klokka 15:25 er naudetatane framme på staden og bilen dratt ut frå husveggen.
– Begge personane er ute av køyretøyet. Pågår HLR på staden, opplyser Olsen.
Ulukka er også notert i vegmeldingane på vegvesenet sine sider. Det blir det opplyst at vegen er stengd forbi staden.
Huset bilen køyrde inn i skal vera eit feriehus.
– Me har akkurat fått avklart at huset er tomt, opplyser Olsen til Sogn Avis.
Ulukka står fram som alvorleg.
– Det blir framleis gjort førstehjelp på staden, og det er fleire luftambulansar på veg som ikkje skal vera langt unna, seier Olsen.