Naustdal, Vevring | Har sendt brev til statsministeren: Ber han gripe inn

Naturvernforbundet og natur og Ungdom ber statsminister Jonas Gahr Støre gripe inn for å stanse sjødeponiet i Førdefjorden.

I eit brev til Statsministerens kontor krev organisasjonane at dei ugylidge utsleppsløyva blir trekte tilbake.

Det kjem fram i ei pressemelding måndags morgon.

Bakgrunnen er at regjeringa har opna for at gruveselskapet kan halde fram med sjødeponiet medan ein ny søknad blir behandla. Organisasjonane meiner dette er i strid med Høgsteretts dom frå 17. juni, som slo fast at utsleppsløyvet er ugyldig.