Sogndal, Ulukker | Mann i 20-åra omkom i motorsykkelulukka

Politet sin operasjonsentral melder like etter klokka tolv at føraren av motorsykkelen som køyrde av vegen mellom Sogndal og Leikanger omkom.

Det er ein mann i 20-åra og pårørande er varsla, skriv operasjonsleiar Tore-Andre Brakstad i Vest politidistrikt.

Han vart sendt Haukeland Universitetsjukehus, men livet stod ikkje til å redda.

Politiet har gjort undersøkjingar på staden og snakka med vitne.

Det er ikkje kjent kva som er årsaka til ulukka, men motorsykkelen har køyrd i autovernet på nedsida av den lange Nordnessvingen mellom Slinda og Ylvisåker.