Like etter kl. 11.00 small det like vest for Hjelletunnelen på Rv. 15 like før ein startar oppstiginga til Strynefjellet.
Det var to involverte køyretøy, der den eine har køyrd på den andre bakfrå.
– Det er store materielle skadar på det eine køyretøyet. Ein av bilførarane har smerter i nakken, den andre har fått nokre skrubbsår og er i sjokk, melder operasjonsleiar i Vest politidistrikt, Morten Rebnord, kl. 11.46.
Det er ikkje meld om trafikale problem. Bilane var flytta vekk av bilbergar i 12-tida.
– Bilen føre stansa for å svinge av hovudvegen. Bilen som kom like bak klarte ikkje å stanse å køyrde rett inn i bakenden av bilen som skulle svinge av, opplyser Rebnord om ulykka.
Begge førarane er sjekka av helsepersonell, og er lettare skadd. Det er ingen mistanke om rus. Kvinna som køyrde inn i bilen føre seg har fått førarkortet sitt kverrsett.