Klokka 23.08 laurdag kveld fekk 110-sentralen inn melding om at det brann.
– Det var store flammar, men dei dempa seg noko. Det brann godt ei stund, men det var ikkje fare for spreiing, opplyser operasjonsleiar Frode Kolltveit i Vest politidistrikt.
Sendt til legevakt
Like over klokka 01.00 natt til søndag kom meldinga om at brannen var sløkt.
– Ein arbeidar vart teken med til legevakt i ambulanse for helsesjekk etter å ha vorte eksponert for røyk, fortel Kolltveit.
Ukjend årsak
Politiet har gjennomført avhøyr av vitne på staden og har oppretta sak. Ifølgje politiet er arnestaden truleg lokalisert.
– Det har truleg byrja å brenne i eit beltehjul på anleggsmaskina på steinknuseverket, seier operasjonsleiaren.