Klokka ti på tre måndag ettermiddag melder politiet om ei trafikkulukke på E39 ved Eikåsmyrane på Vassenden.
– Det er to bilar involvert, og personane er vakne og medvitne, melder operasjonsleiar Knut Dahl-Michelsen i Vest politidistrikt.
Bilane sperrar heile vegen. Politi og brannvesen er på staden.
Ein av dei involverte klagar på smerter. Ambulanse er på veg, det same er bilbergar. Det er materielle skader på begge køyretøya, melder politiet.
Oppdatering kl. 15.47: Ulukka har ført til lange køar på staden i begge retningar, men no er vegen opna i eitt felt. Trafikken vert dirigert forbi. Bilberging er på gang.