Vossa-selskapet Kitemill AS held fram med å utvikla framtidsretta teknologiløysingar for luftboren vindkraft.

Løysinga er som namnet Kitemill tilseier: ein drake går gjennom lufta som ei mølle, og produserer straum på det som skal vera ein kostnadseffektiv og miljøvenleg måte.

Dette er Kitemill og Kitewall

  • Selskap: Kitemill AS, skipa i 2008, heimehøyrande på Voss.

  • Etablert av: Jon Gjerde, Olav Aleksander Bu, Thomas Hårklau, Tom Løvik, Ole Bernhard Larsen og Tor Audun Kleppe.

  • Tilsette: 13 fast tilsette (årsverk i 2025).

  • Føremål: Utvikling, produksjon og sal av teknologi for utnytting av vindkraft i høgare luftlag, og luftboren overvåking.

  • Teknologien: Eit kabelfesta, autonom drake/seglfly som vert styrt i mønster i 300–500 meters høgd. Generatoren står på bakken og krev mindre materialbruk enn tradisjonelle vindturbinar.

  • Kitewall (Dual-use): Ei eiga forsvars- og sikkerheitsatsing der draketeknologien vert nytta som høgthengande plattform for sensorar, radar og overvaking.

  • Aktualitet: Relevant i samanheng med EU sine nye flaggskipprosjekt European Drone Wall og Eastern Flank Watch for grensesikring og droneforsvar.

    • Ferske rekneskapstal for 2025 viser at vegen mot ein kommersiell marknad kostar: Selskapet gjekk over 11,5 millionar kroner i underskot i fjor.

    I løpet av 2025 har selskapet sett ny rekord i antal flygingar, og oppdaga eit heilt nytt bruksområde for teknologien. 

    – Me har identifisert ein heilt ny marknad for å fly nyttelast i denne høgda. Det finst veldig få teknologiar i verda som klarar det same, seier dagleg leiar i Kitemill AS, Thomas Hårklau.

    Frå grøn energi til forsvarssektoren

    Kitemill AS satsar no med den nye teknologien «». 

    Det nye bruksområdet for teknologien vert kalla ISR, eit samleomgrep for etterretning, overvaking og rekognosering.

    Drakane kan avdekkja ulovleg støy og blokkering av GPS- og radiosignal, såkalla og .

    Dette er eit svar på EU sine nye planar om ein «drone-vegg» (European Drone Wall) og grenseovervaking (Eastern Flank Watch) langs austgrensa.

    Dagleg leiar i Kitemill AS, Thomas Hårklau, på besøk hjå EU-kommisjonen i Brussel i juni 2025.
    Foto: Kitemill AS.

    Drakane kan òg nyttast til sivile føremål som skogbrannovervaking, miljøovervaking eller som mellombels radiosendar og kommunikasjonsledd i lufta ved kriser.

    – Det har vore krevjande å finna private investorar, då mange heller satsar på ting som er enklare å ta til marknaden. Likevel viser signala frå Brussel at me er på heilt rett spor, seier Hårklau.

    Han legg ikkje skjul på kvifor dette marknadsskiftet kjem no:

    – Me opplever at det er større betalingsvilje for nærvær i luftrommet enn for grøn energi akkurat no. Det skal gå 50 milliardar euro inn i ISR frå 2027 til 2033 slår Hårklau fast.

    Tilsette i Kitemill AS under testing av draken.
    Foto: Kitemill AS.

    – Det er Ikkje noko som er endra med formålet eller hovudvisjonen til Kitemill, men me har no funne svaret på modningsperioden gjennom Kitewall.

    Reknskapstal Kitemill (2025)

    Reknskapstal Kitemill (2025) Beløp Samla driftsinntekter 7,39 mill. kr (der 6 mill. var EU-tilskot) Salsinntekter 154 502 kr Driftskostnader 15,60 mill. kr Årsresultat -11,55 mill. kr Investert i utvikling (FoU) 15,00 mill. kr

    Millionunderskot i ein krevjande fase

    Rekneskapstala frå dei siste fire åra viser til saman eit underskot på over 43 millionar kroner. 

    – Det er sjølvsagt ein ekstremt krevjande fase å væra i som privat selskap der ein ikkje har generert nok inntekter over lang tid, fortel Hårklau.

    – Pengane i fjor har i hovudsak gått til å gjera systema meir robuste, spesielt med fokus på tryggleik, automatiske naudlandingar og sjølvstendig avgang og landing.

    Dagleg leiar i Kitemill, Thomas Hårklau ved Kulturhuset.
    Foto: Karl Ystanes

    Hårklau fortel at dei kan byrja å levera tenester i år og byrja levering av dei fysiske anlegga til kundar i løpet av neste år. 

    – No er det fullt fokus på marknadsintroduksjon for ISR. Lukkast me i dette segmentet, vil me raskt kunna betala tilbake utviklingskostnadane. Me er no i direkte dialog og forhandlingar med kundar, fortel Hårklau.

    Han rettar stor takk til dei eksisterande aksjonærane som har gått inn med kapital for å halda utviklingstakten oppe. 

    – Me er veldig takknemlege for alle aksjonærane som har støtta oss. Dei var dei fyrste me informerte då me byrja med det nye satsingsområdet Kitewall, fortel Hårklau.

    Les også

    Uviss framtid for Aurlandsskoen: – Ikkje mogleg å driva med så stort underskot over tid

    Les også

    Lillian vil skapa nytt butikkonsept: – Eg er så impulsiv

    Les også

    IHK-sjefen reagerer: – Kundane i Hardanger må ta kostnaden