Hydro Energi og Statkraft har inngått ein langsiktig kraftkjøpsavtale (PPA) som sikrar ein årleg leveranse på 876 GWh i perioden frå 2031 til 2040.
Avtalen sikrar ein samla leveranse på om lag 8,8 TWh i avtaleperioden og vil bli levert i prisområde NO5, skriv Statkraft i ei pressemelding.
I april 2026 inngjekk Hydro og Statkraft også to langsiktige kraftkjøpsavtalar med ein samla leveranse på 0,9 TWh per år i 2029 og 2030, og 1,3 TWh per år i perioden frå 2031 til 2038.
Dette er den tredje langsiktige kraftavtalen Statkraft inngår med Hydro i år.
Ifølgje Statkraft skal avtalane bidra med stabil og konkurransedyktig kraft til Hydro sine aluminiumsverk i Norge det neste tiåret.
– Kraft til konkurransedyktige prisar er avgjerande for Hydro sin aluminiumproduksjon i Norge og gjer at me kan levera lavkarbonaluminium og løysingar som Europa etterspør, seier Kari Ekelund Thørud, konserndirektør for Hydro Energi.