Mannen i tjueåra vart funnen skuldig i grov utpressing og forsøk på grov utpressing mot 1200 fornærma, og dessutan grov biletdeling, skriv VG.
Han har erkjent straffskuld for å ha oppretta kanalen «Guttas drøm» og selt bileta via Discord-plattforma. Over 1800 sal av mapper med privat innhald frå 560 jenter og kvinner vart avdekte. Fleire var under 18 år.
Politiadvokat Hildegunn Teigen.
Foto: Laila Nguyen Engebretsen / NRK
Straffa i lagmannsretten er fire månader lenger enn i tingretten. Retten påpeikar at saka er unik og at det manglar rettspraksis frå Høgsterett på området.
Aktor Hildegunn Teigen er fornøgd med domfellinga.
– Påtalemakta vil vurdere anke vedrørande straffutmålinga, sjølv om det er positivt at straffa er skjerpa isolert for biletdelinga, seier ho til VG.
Randulf Schumann Hansen er bistandsadvokat i saka.
Foto: Laila Nguyen Engebretsen / NRK
Forsvararen til mannen, Stian Mæland, opplyser at dei vil gå grundig gjennom dommen før dei tek stilling til kva dei gjer vidare.
Bistandsadvokat Randulf Schumann Hansen registrerer skjerpinga.
– Dette kan ha noko å seie for utmålinga av erstatninga til klientane mine, seier han til VG, og legg til at erstatningskrava blir behandla i ei eiga sak hausten 2027.
(NTB)
Publisert
02.09.2026, kl. 15.09