Det var stor trafikk på riksveg 36 langs Seljordsvatnet, men trafikken gleid heilt normalt. Også gjennom sentrum var det fin flyt på trafikken. I går brukte TA 40 minutt med bil frå kyrkja og inn til parkeringa ved administrasjonsbygget. I dag gjekk same distansen på kring tredjeparten av tida. Det øvre parkeringsplassen ved administrasjonsbygget var full før klokka 10.30 i dag. Da var det opphald og skya himmel, men god temperatur.
MASSE FOLK: Mange i handlegatane laurdag føremiddag.
Foto: HALVOR ULVENES
Strålande
– Det er stor tilstrøyming og perfekt dyrskuvær. Dette blir heilt knall, seier sals- og marknadsleiar Yvonne Eilefstjønn til TA litt før klokka 11 laurdag.
– Me er strålande fornøgd med opningsdagen og over 25.800 besøkande. Utstillarane melder om svært god handel fredag, legg ho til.
VURDERT: Hestane blir vurdert av dommarane.
Foto: HALVOR ULVENES
Dømming
Inne i det gamle Fjoset er det dømming av hest som står på programmet. Her blir gampane nøye vurdert av tre dommarar.
Elles er det eit yrande liv med ei rad aktivitetar. Dyrsku`n er landets største landsbruksutstilling, og det pregar området. Fesjået byr også på ei rad kulturelle aktivitetar, blant anna spelstykket om hardingfelespelaren Leiv Sandsdalen som blei fødd for 200 år sidan.
Lange tradisjonar
Dyrsku’n i Seljord har tradisjonar frå 1866. Dei siste 50 åra har snittbesøket lege på vel 64.000. Dei tre siste åra har talet vore svært stabilt og tett innpå 90.000 besøkande. Svaret på årets besøk kjem sundag kveld.
Les mer om: artikkelemnene