Det vert sett i gang redningsaksjon etter at naudetatane har fått telefon frå ein innringjar som har høyrt fleire rop om hjelp. Det melder Vest politidistrikt klokka 12.17 søndag.
Meldinga kom til naudetatane 11.45 og ressursar er på veg, opplyser politiet.
Hovudredningssentralen opplyser at aksjonen er i innleiande fase og føregår i Aurlandsdalen.
– Det kan vera at det er er sauesankar som har ropt etter dyr. Me jobbar med å avklara dette, seier operasjonsleiar Dan Erik Johannessen hjå Vest politidistrikt klokka 12.34.
Han seier politiet har kalla ut frivillige og luftambulanse.
Klokka 12.55 opplyser politiet at aksjonen er avbroten. Det har vore ein sauesankar som har ropt etter dyr og ingen er i naud.
Les meir om: artikkelemnene