Nyhende, Politi | Omkom etter ulukka i Uskedalen

Det opplyser politiet om i samråd med familien torsdag ettermiddag.

Den omkomne er Magne Huglen, 72 år, som var busett på Dønhaug i Uskedalen, skriv politisjef Sigurd Børve ved Kvinnherad politistasjon i ei pressemelding.

Politiet etterforskar ulukka vidare, med mål om å klargjera årsaka, står det.

Det var måndag kveld at 72-åringen blei frakta til Haukeland med luftambulanse etter hendinga med hjullastaren.

Politiet har forklart at det var to ungdommar som kom først til staden. Dei fekk uhemma ros for jobben dei gjorde med førstehjelp.

Magne Huglen er kjent for mange som eigar av garden der Festidalen og andre kulturarrangement blir haldne, og som lærar, bonde og ølbryggjar, mellom anna.