– For eit engasjement! Eg er imponert og rørt over innsatsen for årets TV-aksjon. Bøssebærarar, frivillige og gjevarar over heile landet har bidrege til at Atlas-alliansen no kan hjelpa endå fleire menneske med funksjonsnedsetjingar, seier Marit Sørheim, dagleg leiar i Atlas-alliansen i samband med TV-aksjonen søndag.
Bøssebærarar over heile landet samla inn 61 millionar kroner gjennom å banka på dører. 26,5 millionar av desse var kontantar, resten kom via Vipps, skriv tv-aksjonen på heimesida.
Rekord i fjor
Så langt er det samla inn 238 millionar kroner. I snitt er bidraget per innbyggjar i Noreg 44 kroner g det er framleis mogleg å gje. Det endelege resultatet vert klart i desember. I fjor gjekk TV-aksjonen til Barnekreftforeningen. Då vart resultatet 415 millionar innsamla, noko som er rekord for tv-aksjonen.
I Vestland er det Modalen som ligg høgst med 252,76 innsamla kroner pr innbyggjar, følgd av Eidfjord, Solund, Fitjar og Austevoll før Aurland hamnar på ein sjetteplass.
Les også
Slik samla dei inn tusenvis av kroner: – Veldig kreativt
Slik var gjevargleda i Sogn:
Meir gjevarstatistikk kan studerast på denne nettsida.