PS 79/2025 Avtaleforhold Kommunestyret si handsaming av sak 79/2025 i møte den 04.11.2025:
Handsaming Kommunestyret vedtok å handsama saka i lukka møte i h.h.t. kommunelova § 11.5. 2.ledd ; «Et folkevalgt organ skal vedta å lukke et møte når det skal behandle en sak som angår en arbeidstakers tjenstlige forhold.» KS -advokat Øyvind Gjelstad orienterte om saka.
Gjelstad orienterte om prosess og utvikling av framlegg til sluttavtale. Gjelstad la fram si vurdering og tilråding i høve avtalen.
Kommunestyret drøfta saka. Formannskapet som arbeidsgjevarutval tilrår i saka direkte til kommunestyret.
Frå formannskapet som arbeidsgjevarutval låg det føre slik tilråding: Kommunestyret godkjenner framlagt sluttavtale.
Endringsframlegg: Sogndal Framstegsparti har fylgjande framlegg i sak 79/2025 1. Kommunestyret seier opp Kommunedirektør Tor Einar Holvik Skinlo med umiddelbar virkning frå 04.11.2025. Han får lønn i oppseiingstida og ellers det som arbeidsavtale og lova måtte bestemme, men han skal ikkje utføre arbeid eller møte på arbeid. Alle arbeidsoppgåver skal øyeblikkeleg frysast og overførast til andre, samt all tilgang til Kommunens it nett/system og pålogging skal avsluttast.
2. Bakgrunn for oppseiing med umiddelbar verknad er i grove trekk: Manglande lojalitet for arbeidsgivar, nekta og utføre vedtak i Kommunestyret. ( blant anna trekke anke til Lagmannsretten) Alvorlege brot på personvernet i fleire høve. Manglande gjennomføring av politiske vedtak ved fleire høve. ( detaljar om dei kjem i ein større oppsumering ved behov) Vedvarande tillitsbrot til Ordførar og politisk leiing, samt svekka omdøme av Kommunen.
Framlegg til vedtak i sak 79/25 frå representantane Næss (H), Feten (Sp), Røysum (Sp) og Menes (Sp): Kommunestyret i Sogndal trekker varsel om oppseiing, og oppmodar Tor-Einar Holvik Skinlo snarast om å koma attende i arbeid som kommunedirektør i Sogndal kommune.
Avrøysting: Framlegg frå representantane Næss (H), Feten (Sp), Røysum (Sp) og Menes (Sp) fekk 4 røyster og fall. Kjell Asbjørn Næss (H), Tore Feten (Sp), Malen Røysum (Sp), Arnstein Menes (Sp).
Sogndal Framstegsparti sitt framlegg fekk 7 røyster og fall. Rita Navarsete (Frp), Rune Haug (Frp), Idar Kollsete (Frp), Bjørn Christian Weinbach (R), May Kristel Bødal (Sp) Magne Bruland Selseng (Sp), Bjarne Asperanden Sjøthun (Ap).
Tilråding frå formannskapet, som arbeidsgjevarutval, vart vedteke med 23 røyster. Stig Ove Ølmheim (Ap), Astrid Hove (Ap), Jørn Stenehjem (Ap), Clara Øberg (Ap), Liv Synnøve Bøyum (Ap), Erlend Fardal Lunde (Ap), Knut Henning Grepstad (Ap), Malen Røysum (Sp), Tore Feten (Sp), Arnstein Menes (Sp) , Espen Sæterbø (Sp), Nina Olsen Munthe (H), Laila Elisabeth Wigum (H), Håkon Nesse (H), Kjell Asbjørn Næss (H), Vibeke Johnsen (Sv), Anna Helen Hamre (Sv), Inga Henjum Halsnes (Sv), Mari Husabø (Sv), Frode Bøthun (Krf), Margrete Haug (Krf), Lin Åm (Mdg), Bjarte Haugen(V).
Vedtak Kommunestyret godkjenner framlagt sluttavtale.