– Retten har avsagt ei avgjerd som legg avgjerande vekt på ytringsfridomen, og at boka nyt eit vidtgåande vern etter ytringsfridomen. Det er etter Aschehougs syn ei heilt rett vurdering, seier Aschehougs advokat, Jørgen Vangsnes til NRK.
Marius Borg Høiby er dømd til å betale sakskostnader på totalt 530.500 kroner til forlaget og Forleggerforeininga.
NRK har førebels ikkje fått ein kommentar frå forsvararane til Høiby.
Retten legg vekt på ytringsfridommen
I avgjerda slår retten fast at Høiby i utgangspunktet er ein privatperson.
Samstundes peikar den på at koplinga til kongefamilien og påstandar om kontakt med kriminelle miljø gjer saka viktig for allmenta:
«Det vil under disse omstendigheter være et utvidet rom for å omtale Høiby og forhold omkring ham som har relevans for temaet», heiter det i kjennelsen.
Retten vurderer at boka «i utgangspunktet ut fra sitt tema og formål har et utvidet ytringsvern».
Dermed får forlaget omtale Høiby enn det som vanlegvis gjeld for privatpersonar.
Avviser skuldingane
Det var tidlegare i november at Aschehoug gav ut boka «Hvite striper, sorte får».
Gjennom advokatane sine har Høiby kravd at salet av boka blir stansa.
Striden handlar særleg om ein påstand om at politiet skal ha sett Høiby selje kokain på Karl Johan.
I boka står det mellom anna:
– Det er ikkje sånn at Høiby skal bli skulda grovt for å ha gjort ting han faktisk ikkje har gjort, sa Elias Christensen, ein av forsvararane til Høiby.
Han meiner boka blir marknadsført på ein måte som overdriv og skadar Høiby.
Forsvararane til Marius Borg Høiby Petar Sekulic og Ellen Holager Andenæs.
Foto: Jonas Fæste Laksekjøn / NTB
NRK har dekt saka under rettsmøtet.
Då sa politimeister Ida Melbo Øystese at politiet ikkje har sett Høiby selje kokain på Karl Johan.
Ho ville likevel ikkje svare på om politiet har informasjon om narkotikasal knytt til Høiby.
– Det er opplysningar som er underlagt mi tausheitsplikt, og det kan eg ikkje kommentere, sa ho.
Det same gjaldt spørsmål om politiet har observert Høiby andre stader i Oslo sentrum.
Forfattarane står på sitt
Boka er skrive av krimjournalistane Øistein Monsen og Torgeir Krokfjord i Dagbladet.
Den omtalar kriminelle nettverk som forfattarane meiner Marius Borg Høiby er kopla til.
Krokfjord, har tidlegare sagt at dei er trygge på dokumentasjonen bak boka.
Forfattarane Torgeir Krokfjord og Øistein Norum Monsen i retten, her med Se og Hørs Ulf Andre Andersen.
Foto: NRK
– Vi er trygge på den informasjonen vi har avdekt og kjeldegrunnlaget i boka. Vi meiner boka bringar viktig ny informasjon om den organiserte kriminaliteten i Noreg.
Vangsnes, meiner saka viser prosjektets betydning.
– Det som føregjekk her i dag, underbygger i seg sjølv prosjektets betydning, fordi det teikna eit tydeleg bilete av eit politidistrikt som selektivt vel kva dei vil kommentere utan at den grensedraginga er sakleg grunna, sa han.
Publisert
14.11.2025, kl. 13.58
Oppdatert
14.11.2025, kl. 14.34