Vestland fylkeskommune, Politikk | Robert Rastad blir ny fylkesdirektør i Vestland

Robert Rastad er tilsett som ny fylkesdirektør i Vestland fylkeskommune.

Fylkestinget tilsette Rastad under eit ekstramøte, og offentleggjorde nyheita i ei pressemelding fredag.

– Eg kjenner Vestland fylkeskommune godt gjennom tidlegare samarbeid og er svært motivert til å leie organisasjonen, seier Rastad i pressemeldinga.

Han tar over stillinga etter Rune Haugsdal, som sa opp under fylkestinget i Florø i juni.

Rastad kjem frå stillinga som direktør i PwC, og har brei erfaring frå både offentleg og privat sektor.

– Eg er særs glad for at Robert Rastad har takka ja til å bli den nye fylkesdirektøren i Vestland og ønsker velkommen til samarbeid, seier fylkesordførar Jon Askeland, som har leia tilsettingsprosessen.

Det var fleire søkjarar til stillinga. Blant anna Teater Vestland-direktør Aud Marie Åsen var blant søkarane.