Tungt væpna israelske soldatar står utanfor ein bygning i Jenin på den okkuperte Vestbreidda. Ei gravemaskin held porten til bygningen open.

Ut kjem to palestinske menn. Dei har hendene i vêret og dreg opp T-skjortene, som om dei overgjev seg og viser at dei ikkje er væpna.

Soldater i kamputstyr er i aksjon utenfor en bygning. En av soldatene peker mot en mann som sitter på bakken. En kjøretøy er parkert i nærheten, og det er synlig rusk rundt området. Hendelsen ser ut til å være en militær operasjon.

Med henda i vêret skal dei to palestinarane ha signalisert at dei overgjev seg.

Foto: NTB

Så skyt dei israelske soldatane og dei to palestinarane fell om. Begge døyr på staden.

Startar gransking

Det israelske militæret meiner hendinga var del av ei etterforsking.

Videoen blei først publisert av den egyptiske TV-kanalen Al-raid. Etter at fleire medium har delt videoen, seier Israel at dei vil granske hendinga.

– Hendinga blir granska av befalshavarane på bakken og skal overførast til dei relevante profesjonelle etatane, heiter det i ei fråsegn frå politiet og militæret IDF.

Sikkerhetsstyrker i militæruniformer undersøker en bygning. En soldat med våpen går forbi en blå bil. To menn ser ut til å håndtere kasser inne i bygningen. Omgivelsene er preget av en brakk med en åpen port.

Hendinga som skjedde torsdag har vekt sterke reaksjonar, både frå israelsk og palestinsk hald.

Foto: Mohamad Torokman / Reuters / NTB

Men generalsekretær i Norsk Folkehjelp Raymond Johansen trur ikkje på noko faktisk gransking.

– Dette seier Israel kvar einaste gong. Dei er tekne i å gjere alvorlege menneskerettsbrot, brot på folkerett i krig, seier Johansen.

Han peiker på fleire tidlegare hendingar, der Israel har lova gransking etter kritikk internasjonalt.

– Slik som med alle andre granskingar, kjem det ikkje til å skje noko verdas ting, seier Johansen.

Byrådsleder Raymond Johansen intervjuet direkte i NRK Dagsrevyen i forbindelse med skyting og drap på Grønland i Oslo

Generalsekretær i Norsk Folkehjelp Raymond Johansen har ikkje tru på at Israel si gransking kjem til å føre nokon stad.

Foto: Tom Balgaard/NRK

Han meiner Israel brukar gransking som ein måte å vise at dei tek ansvar, utan at det får noko effekt.

Det israelske militæret hevda palestinarane på videoen tilhøyrde ein terrororganisasjon i byen og tidlegare hadde kasta eksplosiv og skote mot israelske styrkar.

Ei kjelde i grensepolitiet blir sitert av Haaretz på at ein av palestinarane «prøvde å komme seg opp og gjorde ei mistenkeleg rørsle», og at dei derfor bestemte seg for å skyte.

Vekker reaksjonar

Sjølv om Johansen er rysta over videoen, peikar han på at hendinga er langt frå unik.

– Slike ting skjer kvar einaste dag, seier han.

– Også born blir drepne utan at det får rettslege konsekvensar. Det er rettsfridom for desse for å gjere slike grove overtramp. Det reagerer eg sterkt på, seier Johansen.

Torsdag starta det israelske militæret ein ny militær operasjon på den okkuperte Vestbreidda. Om hendinga er relatert til operasjonen er uklart.

Foto: ZAIN JAAFAR / AFP / NTB

Mange har sett videoen som har spreitt seg både i sosiale medium og gjennom redaksjonelle medium.

Den tidlegare israelske statsministeren Ehud Olmert er rasande over den auka valden mot palestinarar på den okkuperte Vestbreidda, utan referanse til denne hendinga spesifikt.

– Det er utilgjeveleg. Kvar dag er det busetjarar som går til angrep på uskuldige personar. Aller verst er det at dei brenn ned husa deira, trugar dei og øydelegg oliventrea deira, seier den tidlegare statsministeren til CNN torsdag.

Bevæpnede soldater er synlige i en avstengt bakgård. De står i en beredskapsstilling og ser mot omgivelsene. Utsikten viser en bratt bakke og en vestlig bebyggelse. Det er vegetasjon rundt området, med tørre planter og grus.

Det var fleire israelske bakkeangrep på den okkuperte Vestbreidda. Her frå Jenin same dag som hendinga i videoen.

Foto: Mohamad Torokman / Reuters / NTB

Israel har okkupert Vestbreidda sidan 1967. Fleire menneskerettsorganisasjonar har peika på israelske menneskerettsbrot mot palestinarar heilt sidan den gong.

Den palestinske ambassadøren i Storbritannia, Husam Zomlot, har også kommentert hendinga. Han kallar det eit krigsbrotsverk og seier i ei melding på X at ho er del av eit mønster i det okkuperte området.

Interessert i å følge med på det som skjer i verda? Høyr podkasten «Urix» her:

Publisert

28.11.2025, kl. 07.30

Oppdatert

28.11.2025, kl. 08.49