Bjørn Magne Bryn, Ekstremsport | Bjørn Magne Bryn er død

VOSS (Avisa-Hordaland): Bjørn Magne Bryn (48) var ein kjend fallskjermhoppar, basehoppar, forretningsmann og langrennstrenar.

Langrennstrenar i Kina

Han var mellom anna hovudtrenar i eit samarbeidsprosjekt mellom kinesiske idrettsstyresmakter, den norske olympiatoppen, Lillehammer Olympic Legacy Centre og NTG Lillehammer, som Hordaland omtalte i 2018.

Saman med tre andre nordmenn leia han arbeidet med å plukka ut 30 kinesiske langrennsutøvarar som skulle satsa fram mot vinter-OL i Beijing i 2022.

Røynd ekstremsportutøvar

Tilbake i 2021 var han med i ein TV-produksjon som fylgde han og tre andre basehopparar. I 2022 fortalde han til Hordaland at han hadde utført 7500 fallskjermhopp og 300 basehopp.

Som forretningsmann har han mellom anna vore involvert i sitt eige selskap Bryn Consulting, og IT-selskapa Acegame AS og MyOnvent AS.

Han har dei siste åra vore busett vekselvis på Lillehammer og på Voss.

Bjørn Magne Bryn etterlet seg ei dotter og ein son.