Redningsaksjon, Sakna | Sakna mann funnen omkommen

Klokka 12.56 melde Vest politidistrikt at det var starta eit redningsoppdrag i samband med at ein eldre mann var sakna frå heimen sin i Stad.

Både frivillig mannskap og brann og redning blei kalla ut i søk etter mannen. Det blei også søkt med redningshelikopter.

Klokka 16.15 melder politiet at mannen i 80-åra er blitt funnen omkommen i Hornindalsvatnet. Dei nærmaste pårørande er varsla.

Det er ikkje mistanke om at mannen er utsett for noko kriminelt. Den omkomne vil bli obdusert.