To målgivande og ei scoring. Martin Ødegaard spelar ein av sine beste landskampar mot Moldova i VM-kvalifiseringa på Ullevaal. Helene Spilling Ødegaard reiste seg frå setet på Ullevaal i ekstase.
Felix Horn Myhre starta festen etter fem minutt. Ødegaard chippa ballen fram til Erling Braut Haaland som serverte Brann-spelaren på opent mål. Det var ikkje kome tosifra antall minutt på Ullevaal-tavla før Horn Myhre serverte Erling Braut Haaland. Jærbuen var sikker som alltid – og dobla leiinga. Same mann la på til 3–0 like etter halvimen. Martin Ødegaard med si første målgivande pasning for kvelden.
Like før kvilen sendte Ødegaard ein fantastisk pasning gjennom til same mann igjen. Hattricket var eit faktum – Ødegaard i hovmeisterrolla igjen. Like før kvilen landa ballen hjå Ødegaard i 16-meteren og landslagskapteinen krona ein fantastisk fyrsteomgang med si første scoring i VM-kvalifiseringa.
Det var ikkje berre Helene Spilling som var til stades under landskampen, også kronprinsparet dukka opp utanfor landslagsstadion:
Kva kronprinsparet tenkte om kampen vart aldri avklart – dei svarte ikkje på VGs spørsmål.
- I ei tidlegare utgåve var det lagt ut eit bilete der det vart skrive at det var Erling Braut Haalands kjærast som var avbilda. Det var det ikkje. Feilen vart retta 21:42.