Strynefjellet, som videoen viser, er open, men dei som køyrde der natt til måndag blei møtt av snø.
På grunn av det varsla uvêret bestemte Statens vegvesen at Trollstigen skulle stengast søndag kveld.Det vil bli gjort ei ny vurdering måndag 09.00.Også Geiranger-Langvatn har vore stengt frå klokka 15 søndag ettermiddag.
Breidalen og krysset til Geiranger, rv 15 Strynefjellet måndag morgon.
Foto: Webkamera Statens vegvesenFarevarsel
Varsom.no varsla auka fare for jord- og flaumskred, faregrad to, for delar av Nordvestlandet frå søndag til måndag morgon. Dette på grunn av kraftig regn.
– Det er venta regn, og somme stader kraftige regnbyer, frå søndag ettermiddag og gjennom natt til måndag. Det kan kome opp mot 60–80 mm i løpet av 24 timar, med størst intensitet søndag kveld og natt til måndag. Bratte skråningar, samt bekkar og elveløp med stor vassføring er spesielt utsett.
Varselet gjeld Volda, Ålesund, Sykkylven, Ørsta, Fjord, Vestnes og Stranda.
I tillegg er det fare for flaum, med lokale overfløymingar og overvatn. Dette varselet gjeld for heile Sunnmøre, då det er vanskeleg å seie kor byene treffer, og kor stor nedbørsmengda blir.
Vegforholda på rv 15 i Grasdalen måndag morgon.
Foto: Webkamera Statens vegvesen
Også på fv 60 Utvikfjellet, på 600 meter over havet, ligg det litt slaps i vegbana måndag morgon.
Fv 60 Utvikfjellet måndag morgon.
Foto: Webkamera Statens vegvesen
Vermeldingane seier at det kan kome meir snø i høgda det neste døgnet, men tysdag skal temperaturane opp og det er venta mildare vêr, ifølgje yr.no.