Naturvernforbundet og Natur og Ungdom vann ankesaka over Staten i Borgarting lagmannsrett. Saka gjeld dumping av gruveavfall i Førdefjorden.

Det melder NTB.

Borgarting lagmannsrett sin domsslutning er

  1. Kongeleg resolusjon 19. februar 2016 er ugyldig.
    – Klage over departementet vedtak i juni 2025 om å gi løyve til gruvedrift.
  2. Klima- og Miljøderpatementets vedtak 23. november 2021 er ugyldig.
    – Klage over vedtak frå januar 2021, der Miljødirektoratet hadde gjort endringar i løyvet
  3. Nærings- og fiskeridepartementets vedtak 6. mai 2022 er ugyldig.
    – Nye endringar i løyve og godkjenning av avfallshandtering
  4. Miljødirektoratets vedtak 23. juni 2023 er ugyldig.
    – Klagesak om driftkonsensjon

Klima- og miljødepartementet og Nærings- og fiskeridepartementet blir dømt til å betale sakskostnadar på over 4,2 millionar kroner til Naturvernforbundet og Natur og Ungdom.

Dei er også dømt til å betale sakskostnadane for tingretten på 3,5 millionar kroner til Naturvernforbundet og Natur og Ungdom.

Dette er saka:

  • 2015: Nordic Mining får løyve av Klima- og miljødepartementet til sjødeponering av opptil 170 millionar tonn gruveavfall i Førdefjorden.

  • 2016: Miljørørsla – ved Naturvernforbundet og Natur og Ungdom – klaga på løyvet, men Kongeleg resolusjon avslo klaga i februar 2016. Samtidig fekk selskapet løyve til å deponere gruvemasser frå drifta i ytre del av Førdefjorden.

  • Juni 2020: Nordic Mining får driftskonsesjon, som også blir klaga på.

  • Sommaren 2022: Naturvernforbundet og Natur og Ungdom saksøker staten for løyvet, fordi dei meiner deponiløyvet er eit brot med forureiningslova og EUs mineralavfallsdirektiv.

  • Januar 2024: Miljøorganisasjonane taper søksmålet i tingretten og blir dømde til å betale 1,4 millionar i sakskostnader. Månaden etter anka dei saka til Borgarting lagmannsrett, med ønske om at saka skulle bli lagt fram for Efta-domstolen.

  • Mars 2025: Efta-domstolen gav rådgivande uttale der dei støtta synet til miljøorganisasjonane: økonomiske gevinstar er ikkje god nok grunn til å tillate forureining av fjorden.

  • Juni 2025: Ankesaka blei behandla i Borgarting lagmannsrett 10.–12. juni.

  • August 2025: Den 12. august kom dommen frå lagmannsretten.

Les meir om: artikkelemnene