Coop Nordvest opplyser at avtalen legg grunnlaget for ein større omstrukturering av handelen i sentrum.
Selskapet skriv i ei pressemelding fredag at planane er avhengige av at Luster kommune vedtek ny sentrumsplan.
– Me er nøgde med å ha kome til semje med Fuhr Bygg AS. Dette er ein viktig milepæl for oss, og me er klare til å setja i gang så snart kommunen har gjort sitt vedtak, seier Lars Ove Breivik, eigedomsdirektør i Coop Nordvest.
Planane inneber at eksisterande Byggmix Gaupne skal rivast, og at det blir bygd ein heilt ny Extra-butikk. Når Extra står ferdig, vil drifta flyttast dit før dagens Prix-butikk blir riven.
På den måten blir butikkdrifta oppretthalden gjennom heile byggjeperioden.
– Me har jobba lenge med å finna gode løysingar som både tek vare på sentrumsutviklinga og gir eit betre tilbod til kundane våre. No er me klare til å setja i gang. Me håpar kommunen får på plass sentrumsplanen raskt, slik at me kan bidra til å gje Gaupne sentrum det løftet det fortener, seier Breivik.
– Coop Nordvest ser fram til å realisera prosjektet i samarbeid med lokale aktørar, og me meiner etableringa av Extra vil vera eit tydeleg vegskilje for Gaupne sentrum – både for handel og lokal utvikling, seier administrerande direktør i Coop Nordvest, Arild Sørlien.