Politi og ambulanse har rykka ut til Holevegen på Stord etter melding om at ei kvinne med barnevogn vart rygga på av ein varebil.
Ifølgje politiet ser barnet ut til å vere uskadd, men kvinna har smerter i kroppen etter samanstøyten. Ho blir tatt med til Stord sjukehus for sjekk av helsepersonell.
Barnet blir ivaretatt av familien. I tillegg hadde kvinna ein hund med seg som også skal ha fått seg ein «trøkk».
Føraren skal ha snakka med kvinna på staden etter påkøyringa. Vedkommande blei bedt om å vente, men valte likevel å køyre vidare.
Politiet skal ha firmanamnet på varebilen, og har kontakta firmaet for å finne ut kven sjåføren var under hendinga.
– Vi har vore i kontakt med firmaet, så vi har håp og trur vi kan finne ut kven føraren er, seier Victor Fenne-Jensen i Sør-Vest politidistrikt
Kl. 09.12 opplyser politiet at dei har fått kontakt med sjåføren, som sjølv skal ha ringt til dei. Han blir no avhøyrt.